பார்பி பொம்மைகளுக்கு ஈரானில் தடை

ஈரானில் மேற்கத்திய கலாசாரத்துக்கு தடை விதிக்கப்பட்டுள்ளதால் பார்பி பொம்மைகளை விற்பனை செய்யும் கடைகளுக்கு அதிகாரிகள் சீல் வைத்தனர். ஏனெனில் மினி ஸ்கர்ட், நீச்சல் உடையில் பார்பி பொம்மைகள் தயாரிக்கப்படுகின்றன. பெண்கள் பொது இடங்களில் செல்லும் போது முகத்தை மறைத்து பர்தா அணிந்து செல்ல வேண்டும் என்று ஈரானில் சட்டதிட்டம் உள்ளது. இதுபோன்ற ஒரு சமுதாயத்தில் பார்பி பொம்மைகள் கலாசார சீரழிவுக்கு வழிவகுக்கின்றன. இந்த பொம்மைகள் விற்பனைக்கு ஈரானில் கடந்த 1990ம் ஆண்டே தடை விதிக்கப்பட்டது. பார்பி பொம்மைகளுக்கு பதில், ஈரான் கலாசாரத்தை பிரதிபலிக்கும் வகையில் தாரா - சாரா என்ற பெயரில் இரட்டை பொம்மைகள் அறிமுகம் செய்யப்பட்டன. எனினும் டெஹ்ரானில் பார்பி பொம்மைகளை விற்பனை செய்து வந்த கடைகளுக்கு சீல் வைத்துள்ளோம் என்று அதிகாரிகள் கூறினர்.