அமெரிக்காவில் இந்தியர்கள் மட்டும் 30 லட்சம் பேற் குடியேறியுள்ளனர். இவர்களில் 10 லட்சம் பேர்களுக்கு வாக்குரிமை வழங்கப்பட்டுள்ளது.கடந்த ஆண்டு (2010) அமெரிக்காவில் மக்கள் தொகை கணக்கெடுப்பு நடத்தப்பட்டது. அதன் விவரம் தற்போது வெளியாகியுள்ளது.
அதில் தெற்காசிய நாடுகளை சேர்ந்தவர்கள் அதிக அளவில் அமெரிக்காவில் குடியேறி இருப்பது தெரிய வந்துள்ளது. அவர்களில் இந்தியர்கள் மட்டும் 30 லட்சத்து 19 ஆயிரம் பேர் உள்ளனர்.
தெற்காசிய நாடுகளில் சீனர்கள் (30 லட்சத்து 79 ஆயிரம் பேர்) முதலிடத்தை பிடித்துள்ளனர். அவர்களுக்கு அடுத்தபடியாக பிலிப்பைன்ஸ் நாட்டினர் (30 லட்சத்து 42 ஆயிரம் பேர்) 2-வது இடத்தை பெற்றுள்ளனர்.
இவர்களுக்கு அடுத்ததாக இந்தியர்கள் 3-வது இடத்தை வகிக்கின்றனர். அமெரிக்காவில் வசிக்கும் இந்தியர்களில் 10 லட்சம் பேர் வாக்குரிமையை பெற்றுள்ளனர்.
இந்தியர்கள் பெரும்பாலும் அமெரிக்காவில் உள்ள மெட்ரோபாலிட்டன் நகரங்களான நியூயார்க், சிகாகோ, வாஷிங்டன், லாஸ்ஏஞ்சல்ஸ் மற்றும் சான்பிரான்சிஸ்கோவில் தங்கியுள்ளனர்.
பாகிஸ்தானைச் சேர்ந்தவர்கள் நியூயார்க், ஹுஸ்டன், சிகாகோ, வாஷிங்டன், தல்லாஸ் ஆகிய நகரங்களில் உள்ளனர். கடந்த 10 ஆண்டுகளில் லாஸ்ஏஞ்சல்ஸ் நகரை விட வாஷிங்டனில்தான் அதிகம் பேர் குடியேறி உள்ளனர்.
